【問題】嚴重投訴O2！！！
小弟於2月尾在屯門衛訊購買了一部O2 Zinc，當晚發現有一點死點，隨即到店舖更換另一部新機，事後發現以下情況：
1. 電話經常斷線，包括用3 HK、中國移動及One2free，而我用其他電話使用這些電話卡時，未出現斷線情況；
2. 電話時常顯示有訊號接收，但當打電話時，發現只停在「正在撥號」狀態，當我send sms時再發現不能發送，按「設定」-「電話」時，會顯示「電話不是在線，請15秒後再重試」，但怎等待也用不到電話功能，需要重新開機，事後會出現很多miss call，證明它的訊號接收顯示是不正確的；
3. 有時接通話鍵到打電話的介面時，等得太久，但並無其他程式正在執行；
4. 按「程式集」時，有時會自動Reboot…
小弟4月到O2維修部維修時，服務員向我解釋是台的問題，與手機無關，當我說我用N73、K800I時不會斷線，她說我不懂電話，這是PDA Phone，叫我不要跟Smart Phone手機相比，我問佢係唔係PDA Phone就可以斷線，佢都係話關事。事後佢話我應該係Rom update既時候出左問題，我自問我由O2 mini開始玩PDA Phone，我對rom update既技術係熟悉既，不過我事後無同佢繼續爭論，但係部機同無維修一樣，問題全部都齊，我向消費者委員會投訴…
消委會職員一聽到我投訴O2，佢即刻問我咩model，我答係O2 Zinc，佢話以為又係O2 Atom Life，因為近排好多依個model既使用者打去投訴。佢講話O2 係singarpore既公司，香港只係做代理，投訴完過左兩個星期，一個自稱係O2 既負責人就打比我，叫我攞部機比佢地再check，真係有問題就換部新機比我，咁係6月頭，O2真係話返左新貨，叫我黎攞機。
我6月6日正式換部新機，由於我對O2真係無晒信心，所以打算一收到即刻放左去，但最終因為放得3200蚊，我寧願買部新機，依部唔放繼續用，不過就唔攞佢上網同打電話，到尋日6月7日，我發覺有個好唔尋常既地方，就係上GPRS同WIFI都好，我斷唔到線，就算去「無線管理員」度揀斷線，佢都照樣display係連緊線！打電話都係經常斷線，到夜晚就發現依部根本唔係中文機，佢比左部英文機我，安左個中交ROM，因為個keybroad都無倉頡碼等既中文機特徵，我返到屋企即刻上O2個網站，官網都係認我部機係英文機，唔比我安番中文ROM。
今日係6月8日，我唔係唔鍾意英文機，唔係唔知邊個鍵係咩倉頡碼，而係發覺被人玩緊，比人呃左，當初因為我工作好多野要記，好多E-mail收，又好需要WORD同EXCEL，所以先買一部所謂既商用手機，估唔到一d都幫唔到我工作之餘，仲令我miss 左好多電話，o係澳洲已浪費好多漫遊，所以我認唔住再打去O2 hotline度問，佢狂質疑我點判斷依部係英文機，到最終佢問完IMEI之後都證實係英文機，佢回覆叫我等3個工作天，等佢地查清楚再覆我，我只係同佢講我今日下午無回覆，我就唯有再告去消委會。
可能你睇完會認為我check機仲乜唔check清楚，我認我當時無發現到部機無倉頡碼，但係最大問題係一間公司點樣對佢地既客人。我唔會叫大家以後唔好買O2，因為可能有d使用者，用極都無問題，非常好用，但我只係將我既個案比你參考，如果你地買O2，就一定要唸清楚。
 |
回覆時引用此文章
書籤